炎夏防蚊大作戰　邊4類人最易被蚊叮？

夏天，為大地帶來雨水，雨水，為大家帶來煩人的蚊...夏日炎炎天氣潮濕，一眾蚊子走出來「搵食」，被叮痕到爆，就連半夜也會在耳邊飛來飛去「嗡嗡嗡」，令人無覺好瞓。萬一不幸被叮，又有甚麼方法可以解決這個「全日之癢」?

邊類人最易畀蚊咬？

或許經常被蚊叮的人都會有一個疑問「點解咬我唔咬佢？」確實有部分人會比較「惹蚊」：小朋友、孕婦、戶外工作或做運動的人，由於體溫較高，容易成為「惹蚊一族」。至於某種血型如O型血人士會特別「惹蚊」？這個就沒有醫學根據，蚊子也不會偏好吸某一血型的血。

唔再?　快速止痕法

如果被蚊叮到痕癢難耐，少不免會按捺不住「大力?」甚至「?損」，但這當然不正確，因為蚊叮留下的唾液會因為「?痕」而擴散，繼而愈?愈痕，甚至傷口有機會引發感染。

不過止痕其實唔難！一些家居物品已經可以幫手，例如梳打粉、梘液已經可以止痕。以上兩樣都帶有微鹼性，能夠中和蚊子酸性的唾液，只要塗上患處便可止痕。另外蘆薈能夠降低發炎徵狀，檸檬切片塗抹也可以止痕。想簡單一點，用毛巾冰敷或溫敷患處也能夠暫時止癢。

至於之傳說中的「?十字」或「劃圓圈」是否真的能夠真正止痕？答案是不能的！此舉只會將痛楚感蓋過痕癢感，甚至可能會引致感染或皮膚炎。

如果身邊沒有以上物品，又或者懶得去大費功夫點算好？其實最簡單方法就是輕輕拍打被蚊叮的位置，一樣能達到暫時止痕的功用。

動動手　自製驅蚊包止痕膏

市面上有不少蚊怕水產品，應該要如何選擇？蚊怕水大多含有避蚊胺（DEET），雖然效果顯著，但對小朋友及嬰兒健康有負面影響。6個月以下的嬰兒應完全避免使用含有DEET的產品，至於6個月大或以上的幼童，應使用DEET含量低於10%的產品。無論大人或小朋友，都應該依照防蚊產品的說明，避免過度使用，而且應與防曬產品隔開15-20分鐘時間使用，回到室內亦要清洗塗上防蚊產品的皮膚。

擔心化學成分影響健康，其實可以動動手自製一個天然的驅蚊包。把各10克的丁香、艾葉、白芷、蘇葉、薄荷、石菖蒲、藿香和金銀花混合均勻後，放入網袋即可成為中藥防蚊包，放在室內達致驅蚊效果；如想隨身攜帶，只要把材料分量減半至5克便可，不過孕婦使用前最好先諮詢中醫師意見。

如果不想大費周章買中藥，橙皮、檸檬皮及西柚皮也是蚊子剋星，將新鮮果皮分成數小片，放進透氣網袋亦可成為簡易防蚊包。最後就謹記要保持家居清潔，清除花盆底及雨傘桶等積水，並把儲水容器蓋實，雙管齊下就不用再被蚊子煩擾。