笑看天下:律政奇葩一句走天涯-施友朋 評論員

2020年01月15日 00:04
東網電視
更多新聞短片
律政司司長鄭若驊日前出席二○二○年法律年度開啟典禮致詞時稱,時下暴力橫行,破壞行為猖獗,係「暴力統治」而唔係法治。阿姐,你有冇反躬自省,司法喺你手中已變形走樣,你霸住茅坑不拉矢,一味避政龜縮,有學者狠斥你庸碌無能。你上任至今,根本就係大事做不了,小事做不好,一味無恥廢噏,污染空氣,果然係律政奇葩!聽你講法治?老朽不如飲杯奶茶食件腿蛋治!
清代文章大家汪琬指「士不立品者,必無文章」,說的並不是這樣的人寫不出文章,而是其文章不值一讀。老朽想說,身為法治保護者的鄭若驊,上任至今醜聞不絕,知法犯法,由佢講法治必無公正,試問又如何服人?
反修例風暴持續逾七個月,政府止暴制亂無方,而主掌律政司的鄭若驊好整以暇,警方至今已拘捕逾七千人,卻只有一千多人被檢控,各界紛紛要求倣效外國設立特別法庭,加快審理相關案件,但司底驊依然不動如山,拖得就拖,用把口「繼續以謙卑和專業做好工作」!正如有人指出,警察在前面衝鋒陷陣,官僚在後面袖手旁觀。咁樣止暴制亂,根本連咳都止唔到啦!
此外,司底驊甫上任即放生漢奸黎嘅政治黑金案,而呢條叛國禍港嘅正契弟,參與違法佔中至今逾五年仍未被落鑊,擺到明政治凌駕法治,視檢控守則如糞土。至於漢奸黎涉刑恐東方報業集團男記者一案,東方及受害記者先後十七次去信律政司,司底驊依然hea答,一句走天涯:「案件由展開調查至提出檢控所需處理時間,要視乎多項因素而定,例如證據的數量、案件性質及複雜程度。」明明鐵證如山,有片有相有真相,你研究乜嘢要研究咁耐?事件喺二○一七年發生,依家問你案件進展如何、告定唔告,有幾難答呢司長?講真,你民望低殘,而誠信由上任一刻已經破產,市民根本唔想見到你,知趣就一反白眼消失吧!