笑看天下:戀殖心態務必去之-施友朋 評論員

2021年02月24日 00:04
東網電視
更多新聞短片
名不正則言不順,言不順則事不成,無非是說,要做成一件事,必須先有一個正當合理嘅名義和理由,這樣事情才能講得通。好似林鄭仍住喺「禮賓府」而不是「特首府」,本報一再指出係「名不正則言不順」;有堪輿學家也指禮賓府確改壞名,明明係逾700萬港人之首,不做「主」而作「賓」,夢裏但知身是「客」,只能一晌貪歡,予人神不守舍之感,其位豈能久乎?是以禮賓府一早應改名為特首府或特首官邸,如此才名正言順,亦凸顯官威氣勢!
香港回歸逾23年,好多嘢依然未能去除戀殖心態,就好似各大紀律部隊至今仍使用英式步操,實在礙眼!米字旗97回歸時已經降下,仲用英式步操?本報早於去年7月已提倡要撥亂反正,改行中式步操,據了解即將會有重大突破。消息指,香港警察學院日前喺香港仔校舍舉行中式隊列培訓班,由解放軍駐港部隊三軍儀仗隊成員教授,受訓學員來自各紀律部隊,除警務處,並包括入境處、海關、懲教署及消防處嘅步操教官,培訓內容包括原地及行進間嘅步操動作,以及軍旗、指揮刀和步槍等步操動作。
警方發言人表示,雖然香港警隊嘅步操方法源自外國,但經過多年歷史發展,警隊嘅步操方法已演化為具有警隊特色嘅獨有步操,並自行訓練。不過點講都好,「愛國者治港」勢不可當,係時候改變了!
有學者和評論員稱,本港已訂立《國歌法》,《港區國安法》亦已實施,惟紀律部隊一直使用英式步操,乃港府縱容公務員持戀殖心態,導致官場中疑出現有人「雙重效忠」之嫌,促請港府正視問題。古人說,為政,知善不行者則謂之狂,知惡不改者則謂之惑。夫狂與惑者,聖王之戒也。知道係好事而不去施行就叫狂,知道係惡行而不改正就叫惑,狂與惑係聖王所戒除嘅!除了用中式步操,要改的還多着,祈政府端正主人家心態多正視。