功夫茶:毒果餘孽逐隻捉 出得嚟行梗要還

2021年06月29日 00:03
東網電視
更多新聞短片
被形容為「香港顏色革命大本營」嘅壹傳媒徹底變蘋果汁(執)!真係善有善報,惡有惡報,時辰一到,統統要報!漢奸黎忠心耿耿要「為美國而戰」,殊不知今趟一注押錯晒,輸到壹條毛都冇剩!
今趟警方國家安全處動真格,一亮劍即風蕭蕭兮維港水寒,絕對唔係玩玩吓!睇吓啲反中亂港網媒嚇到自我閹割就知,乜嘢「臘腸新聞」立刻公告天下將之前刊出嘅反中亂港,尤其涉及勾結外國勢力嘅文章全下架,母公司6位董事紛紛跳船割席自保,阿哥,冷雨鐵窗,寒鴉淒啼,踎監令人生更精彩,你講嘢吖!
聽話聽聲,鑼鼓聽音。毒果報所涉係干犯《港區國安法》第29條「勾結外國或者境外勢力危害國家安全」罪,而毒果報總部更係「犯罪現場」,警方國安處曾警誡,任何人繼續留喺上址進行活動或與之作出相關連繫,仲可以無厘頭,屙奶油嗎?覆巢之下 復有完卵乎!三十六計,走為上計!唔走等做笨賊乎?
嗱!上周三即23日,國家安全處拘捕一名毒果報主筆「李平」,涉嫌串謀「勾結外國或者境外勢力危害國家安全」罪。毒果報嘅所謂「蘋論」,不是唱衰國家,就係向美爹搖尾,有恃無恐公開獻計給美國呢隻惡鷹,採取制裁手段針對中港兩地政府及官員。要言之,壹淫媒和毒果報,根本就係如假包換嘅顛覆集團!一班為佢鼓與吹嘅主筆和寫手,眼見「李平」被捕,身有屎嘅,唔通想跟「泥紙鷹」,一日一毒果,日日勤洗廁所咩!之不過,身後有餘忘縮手,眼前無路想回頭!一切已經太遲了!
呢!繼嗰位「李平」後,又有一位毒果報主筆喺前晚27日星期日,原想飛上天上,唔係攬明月而係想走佬,正當佢準備出境乘搭航機前往英國,隨即喺機場被警方國安處人員拘捕。據悉,佢係毒果報主筆馮偉光,筆名盧峯,1997年起已在毒果報寫社論,亦為毒果英文版執行總編輯。既然「敢倡亂道,惑世誣民」,出得嚟行,都係嗰句:預咗要還!想遠走高飛,一走了之,冇咁易!
《港區國安法》生效至今,已有10名與壹淫媒有關嘅人士涉違該法,警方都話不排除有更多人被捕,相信湊夠一打,亦指日可待也。壹淫媒已窮途末路,之前被保安局凍結3間相關公司、涉1,800萬元資產,資金鏈斷裂,山窮水盡,早前向保安局申請解凍部分資金。明知壹淫媒走歪路,冇得博大霧,就話資料敏感,阿哥,勾結外國勢力全部見光死,仲自投羅網咩?唉!多行不義必自斃,漢奸黎由「壹盤生意」變「壹條死路」,全係自作孽,不可活!