笑看天下:此處錢多人傻速來-施友朋 評論員

2021年07月25日 00:05
東網電視
更多新聞短片
過去幾年,香港特別多遊行示威,也特別多街站籌款,尤其一些「大日子」,如「6‧4」、「7‧1」等,原來籌款街站,每趟收入都甚為可觀。根據資料顯示,民陣及多個主要團體近年喺7‧1遊行公布籌得嘅款項總額均逾100萬元,例如喺2016年、2017年、2018年,就分別籌得約157萬元、159萬元及266萬元。
一年比一年籌得多,可見港人之「樂善好捐」。呢,至2019年6月反修例運動中,更為「612人道支援基金」籌得738萬元,8‧18遊行籌得808萬元。之不過。民陣資金來源一直成謎,本報早前率先揭發其資金去向不明,亦無穩定戶口,僅借用當時嘅成員團體戶口處理資金,包括有指寄存於已退出民陣嘅街工戶口,而戶口持有人更有洗黑錢嫌疑;加上多年舉行7‧1遊行累積獲得逾500萬元,捐款去向未明,財政管理成疑,資金或涉外部勢力,大有可能違反國安大法。
正如本報「正論」指出,民陣至今都未正式宣布解散,臨時召集人鍾松輝坦言並非由他一人作主,外界質疑民陣需時轉移資產,甚至要繼續與境外勢力聯繫。是以「正論」不忘提醒警方國安處不僅要徹查資金去向,更須對參與民陣的反中亂港政客逐一依法清算,豈容他們「割席保平安」!如今民陣主腦不是忙於獄中洗廁所,就係被押候審,其實已名存實亡,國安處「宜將剩勇追窮寇」,斬草除根也。
從民陣藉遊行大肆吸金,再一次印證「此處錢多、人傻,速來」真有其事,難怪逃之夭夭嘅一眾黃人政棍,求其口噏為民主,其實係為銀紙追求自己自由,揸住大筆「人傻、速捐」嘅「眾籌」,你哋入獄佢逃往外地逍遙,仲有乜愁吖!