笑看天下:食環食安唔該把好關-施友朋 評論員

2021年12月08日 00:04
東網電視
更多新聞短片
港人食不安心,皆因食安中心經常後知後覺,很多時候,都要消委會發覺有問題先如夢初醒,好似早前測試市面上60款餅乾,發現全部樣本均驗出不同程度嘅污染物或基因致癌物!甚至有4款餅乾更驗出丙烯酰胺含量超出歐盟嘅基率水平,阿哥,食得多或會引致生殖及發育等問題外,更指出丙烯酰胺屬基因致癌物!
消委會另一傑作就係抽查市面鑄鐵鍋,結果發現美觀鮮艷、深受阿太師奶們喜愛、索價動輒過千元嘅鑄鐵鍋,7款中竟有4款嘅金屬釋出量超出國際標準,有一款琺瑯塗層鑄鐵鍋,更驗出含致癌重金屬鎘及俗稱「砒霜」嘅砷,超標量驚人!
各位,食安中心把關不嚴,彰彰明甚。呢,天氣凍,本報不忘提醒市民打邊爐淥鯇魚腩之類嘅淡水魚,切要淥熟至好,否則隨時賴嘢中毒!衞生防護中心10月公布侵入性乙型鏈球菌群組爆發個案,一度指有7人死亡;近日確認接獲51宗個案屬於相同基因序列型ST283嘅侵入性乙型鏈球菌群組爆發,有5人病逝,感染者包括魚販、廚師及曾進食生滾魚粥嘅病人。有報告指侵入性乙型鏈球菌存在於淡水魚中,特別係養殖魚,事件引起市民恐慌。
本報特別提醒市民,用大魚頭熬打邊爐湯底,惟大魚嘅乙型鏈球菌每毫升亦達48萬個菌落形成單位,是以要注意「唔滾唔淥」!至於本報購入6款淡水魚:鯇魚、烏頭、鱸魚、鯽魚、生魚、大魚;樣本交由專家檢測其微生物含量,結果全部樣本都發現乙型鏈球菌,其中鱸魚及鯽魚更驗出霍亂弧菌,當中鱸魚樣本較國際標準超標逾800倍,認真嚇死人吖!食環食安唔該把好關,呢,打邊爐食材,除咗淡水魚危機重重,其餘如生蠔、螺、蜆等貝殼類,係唔係都應該抽來檢驗呢?