笑看天下:打出眼火 睇見喪膽-施友朋 評論員

2022年08月07日 00:04
東網電視
更多新聞短片
國家底氣足,自信滿滿,真係講句說話都唔同!事實上,今日中國不可欺,武器精進,航天科技一日千里;更何況,歐美經濟喊苦喊忽之時,中國經濟已經融入世界。反之,美國沒有大籌碼,又豈能想要大交易?
當今中國貨物進出口總額佔GDP嘅比重已超過三分之一,現在進口對工業嘅綜合影響度超過70%,中國連續12年穩居全球第二大進口市場,而且連續5年成為全球貨物貿易嘅第一大國。美國當然知道,冷戰後中國嘅快速崛起,導致地區力量失衡了!先是東亞地區,繼而係亞太地區,接着係印太地區。美國嘅戰略,先是要重返亞洲,然後是亞太再平衡,接着是印太再平衡。
想得美!美國自己內外交困,正是冇大籌碼,又點會有大交易?印度早已唔聽佢支笛,2022年俄烏危機後,印度拒絕按照美國要求制裁俄羅斯,反而擴大對俄國石油嘅採購,中國亦然。有報道指,美國一邊狂呼加大力度制裁俄羅斯,一邊又狂買俄羅斯石油,世事之荒謬,竟有如此者!冇咁大個頭唔好戴咁大頂帽,識得唔識得啊?
中國一直苦口婆心叫美國站在歷史正確一邊,一直叮囑美國唔好搞咁多小動作,中美兩個大國應要「和平發展,合作共贏」才是人間正道!可惜拜登就係講一套做一套,毫無誠信,依然縱容八旬老太婆訪台,結果惹來中國亮劍出招,除咗嚴重譴責美國干涉中國內政,同時公布8項反制美國措施。至於針對七國集團(G7)外長發表聯合聲明譴責中國大陸喺台灣海峽進行挑釁性嘅軍事行動,王毅外長霸氣表示:七國集團發表的涉台聲明混淆是非、顛倒黑白,是廢紙一張!這「廢紙一張」一呼力度千鈞,真係一拳打出眼火,七國睇見喪膽!