功夫茶:推全新觀看次數 不脫節示民熱話

2022年09月23日 00:03
東網電視
更多新聞短片
擊石原有火,不擊乃無煙!不斷精益求精嘅《on.cc東網》永遠站在服務讀者最前線,從不敢自滿,深知要喺互聯網延續領導地位,不擊石延亮火光,照亮自己更照亮他人,從本港發光至全球,點會得到讀者咁多年來熱烈捧場和厚愛吖!
本報關心時事關心讀者,除咗原有嘅「最高瀏覽」,又再推出全新「觀看次數」功能,為廣大讀者提供新聞及視頻嘅觀看次數。東網手機版包括24小時更新嘅《即時新聞》及新聞影片、每日凌晨更新嘅《東方日報》報章豐富內容,新聞全港最多,更新速度最快,集合圖文影片,介面清晰,影像凌厲,令人無一時一刻,不適耳目之觀,一個字記之曰「正」!兩個字:「好正」!三個字:「正到暈」!
各位,港人生活節奏快,而當今資訊爆炸,今次東網推出嘅「觀看次數」功能,其實主要反映讀者嘅點擊率,要言之,點擊率愈高,反映讀者觀看次數愈多,無形中話畀大家知,讀者最多關心乜、留意乜,從而幫到有啲大忙人,佢哋未必有閒情逐段逐段睇,咁,呢個「觀看次數」幫到佢先留意城中熱話,包保唔會同社會脫節!
嗱!新功能已全面覆蓋港澳、兩岸、國際、評論、產經、繽FUN星網、體波、馬經及視頻各主頁,讀者隨時隨地都可以了解各文章、評論及視頻嘅最新熱度。為方便廣大讀者更容易掌握各文章及視頻嘅觀看次數,觀看次數單位由1,000開始,會以「k」表示,代表以千次為單位。舉例:觀看次數由1至999,會直接顯示。若觀看次數由1,000開始至999,999,尾部會顯示「k」,代表以千次做單位。舉例:如觀看次數為1,800,會以1.8k顯示;如18,800會以18.8k顯示;如188,800會以188.8k顯示,如此類推。
各位,就以尋日嘅新聞為例,較多觀看次數有「長沙灣田螺車墮橋撼校巴 田螺車司機死亡」意外,此外就係近黃昏時「尖沙咀性感吊帶裙女子逃避掃黃 攀出大廈外牆飛簷走壁獲救」從後飛快追上;至於八卦消息,如「西環兩女桃色糾紛前傳 『齊人』片段曝光」,觀看次數亦相當「墟冚」,可見市民鍾意「窺秘」及「食花生」!
功夫茶從呢個「觀看次數」都有啲體會,就以「評論」版而言,皆因本報敢為民發聲,講真話,是以向來觀看次數都高企。「龍門陣」名家坐鎮,一向口碑唔錯。呢,如果唔係有觀看次數顯示,功夫茶都唔知原來讀者咁關心天下大事,「世界視線」觀看次數相當高,而「產評」亦多人留意,即使新專欄「娛圈單打」收視亦不俗。可見口味呢家嘢,唔睇觀看次數又真係未必估得到!各位,快啲更新《東網》APP就可以體驗革新版面百家爭鳴帶來嘅無窮樂趣!