笑看天下:反對安倍國葬有理-施友朋 評論員

20220929
東網電視
更多新聞短片
日本前首相安倍晉三遇刺身亡,本月27日嘅國葬喺爭議聲中舉行。首相岸田文雄致詞時讚揚安倍任內貢獻,聲言日本以至全世界的人都會懷念安倍及其執政時代。死者為大,岸田嘅聲言有溢美之詞可以理解,但「全世界的人都會懷念安倍」又過於吹噓,連國內都有咁多示威者反對政府為安倍舉行國葬,可知安倍並非如此受敬重。
岸田指安倍為日本憲政史上在任時間最長嘅首相,執政期間發揮卓越領導能力,譬如話安倍致力於311大地震後嘅經濟復甦。作為國家領導人,其實係應有之義。岸田又提到安倍致力於日美關係,被視為西方外交跟隨日本轉型以「印太」為概念嘅基調推手,部分西方學者甚至譽其為「印太戰略之父」云云。
為拉攏當時嘅美國總統特朗普,安倍備受特氏戲弄,譬如特氏對佢大力握手,令佢臉容扭曲;2017年佢陪特朗普打高球,安倍喺沙坑摔了一跤,滾了一圈,但特朗普頭也不回逕自離去。安倍對老美嘅奉迎,貴為一國首相,品格可謂「低下」。
美國總統拜登早前赴英出席英女王國葬,而今趟被美國視為重要盟友嘅日本,僅由副總統賀錦麗帶團,親疏有別,盲嘅都感覺到!日本兩名去世嘅前首相大平正芳和小淵惠三,分別由時任總統卡特和克林頓赴會弔唁,老美目中有安倍耶?
安倍在位時,對中日友好沒有絲毫貢獻,更一面倒向美國。今次中國只派全國政協副主席萬鋼出席,他是致公黨嘅主席,並非共產黨員,是以有論者認為派萬鋼出席安倍國葬,無疑係「降格」!而原先表態話會出席嘅法國總統馬克龍和加拿大總理杜魯多,最終以處理內政和應對風災為由甩拖!安倍國葬顯然非必要,難怪日本民眾反對聲音如此大。