笑看天下:應加快放寬和復常-施友朋 評論員

20221206
東網電視
更多新聞短片
新冠疫情持續近3年,許多國家和地區已踏上復常之路;而因為家人或身邊朋友中招嘅愈來愈多,唔少市民已把「中招」視作等閒,要言之,不會如疫情初起時咁騰雞或驚青。嗱!數據顯示,本港近日單日新增確診雖然重上一萬宗水平,之不過重症及死亡個案並無顯著增加,維持於低雙位數。
有醫生認為,近排本港疫情反彈,非輸入個案主導,故不應阻礙對「0+3」入境檢疫安排再作放寬。日本已廢除旅客入境需接受核酸檢測要求,旅客只須申報健康情況及符合新冠疫苗接種要求便可入境,之後亦不需任何檢測;台灣亦已解除戶外口罩令;上海從尋日起,乘坐市內公共交通工具以及到公園等室外公共場所,不再查驗核酸陰性證明;連防疫要求嚴格嘅深圳,市民乘坐市內巴士、地鐵、的士等交通工具,進入室外旅遊景點等公共場所,憑健康綠碼即可,不再查驗核酸證明。可見封控已漸消除,社會陸續復常,有望走出疫情陰霾。
中國嘅傳染病專家亦紛紛指出,通過疫苗接種、藥物嘅治療,已進入到對病毒馴化、控制嘅階段了。有廣州專家甚至表示,目前大部分感染者只需服用普通感冒藥就可痊愈。Omicron變異株嘅毒力顯著降低,可以說已趨於穩定,以後再變異嘅機率較小。專家又指出,症狀以上呼吸道感染為主,用藥也只是對症下藥,包括解熱、鎮痛,只係普通緩解感冒症狀嘅藥物就可以。
香港市民如確診,預約醫生後可獲政府全額資助新冠口服藥;再講吖,政府谷針不遺餘力,鼓勵長者及幼童接種卯足全力,又大力叫市民接種復必泰二價疫苗,以提高抗體。呢方面,老朽要讚政府好為市民設想。所以,香港有條件加快放寬和復常!