笑看天下：同拜登有仇　投他一票-施友朋 评论员

拜登2021年1月20日就任总统，成为就任时年纪最大嘅美国总统。拜登上任两年多，老朽印象较深刻嘅系，佢久不久就要喺白宫下半旗，哀悼死于枪击嘅遇难者；另一个系佢久不久就会喺公开场合躀一躀或仆一仆。

嗱！现年80岁嘅拜登，今个月一号又喺人前仆倒。从影片可见，佢喺科罗拉多州美国空军学院嘅毕业礼上，向最后一名学员颁授文凭后走回座位时，突然喺台上跌倒，在场3人立即将佢扶起，拜登随后伸手指一指地上嘅沙包，似乎在说畀佢绊倒，幸好并无大碍，可以自己行去座位。老朽自己经验，尽管年轻时系田径好手，追风少年，如今人老，最先坏嘅就系双腿，膝头哥无力，容易失平衡跌倒；老人家肌肉流失，膝头哥磨损，踎低都不容易一下子可以自己站起来，喺体能上冇得再认叻，攀高爬低可免则免，换个灯泡最好都系叫后生嘅代劳！

拜登跌倒并非新鲜事，2021年3月，佢喺亚特兰大发生严重枪击案后到访当地，回程登上空军一号专机时，曾一连跌倒3次。白宫发言人事后称当时“好大风”，强调拜登健康冇问题。最近一次系上月中，佢喺日本广岛出席G7峰会嘅活动，喺严岛神社落楼梯时亦一个踉跄，差点又摔一跤！拜登嘅一跌一仆又一跌，不禁又令人怀疑佢嘅健康。

美国已故前总统小罗斯福有句名言：“制约我们认识明天的唯一因素是我们对今天的怀疑。”拜登已宣布竞逐连任，如果佢成功连任，到任期完结时已经系86岁。民调亦显示拜登不应再次竞选，主要都系认为佢太老。一个80岁嘅老人，治理世界第一军事强国，所要兼顾嘅事情太多了，年纪大不能不说是一个障碍。老朽忠告美国选民，如果你哋同拜登有仇，就投他一票吧！