娱圈单打：感情用事变累事　挂住沟仔得个吉

2010年赢得TVB《超级巨声2》冠军的林欣彤（Mag），入行初期系威系势，被誉为“小巨肺”备受看好。谁料人算不如天算，14年转眼过去，Mag已经33岁，歌唱事业没有起色，感情亦未见得有着落。

Mag先后签约3间唱片公司，每间公司都畀足机会，但事业发展始终未如预期。近日她宣布回复自由身，前路似乎更加渺茫。网民揶揄佢浪费时间，蹉跎岁月，显然唔系无的放矢。

鬼咩，Mag入行后受到情绪病困扰，拖慢事业发展步伐，更“致命”系挂住沟仔，唱歌反而唔见佢咁上心。别看她人仔细细，其实沟仔战绩非常彪炳，而且唔止一次被传做小三！好似同ONE PROMISE鼓手Anton拍拖，便被指为第三者！本身有个拍拖7年女友的Anton，疫情期间中招，接着Mag亦确诊，亲密关系断正，不认不认还须认，无奈呢段情一年左右就玩完，Mag最后得个吉！

另一段知名情史，就系参加《巨声》时期，同另一参赛者罗孝勇挞着，拍拖3年共赋同居，可惜Mag疑似移情别恋，两人分手。时至今日，罗孝勇早就同王丹妮结婚，组成幸福家庭。反观Mag依然情路飘泊，不知情归何处。

即系咁，患情绪病本来已经不幸，Mag仲将成担心机放在沟仔上，结果感情累事，至今一事无成，就算几有唱歌天分都救唔番。再讲吖，一旦被标签为沟仔王，要洗底并唔容易，唱片公司梗系宁愿将资源投放在听教听话的歌手身上。事业唔上唔落，感情又未有着落，Mag真系要急起直追咯！