娱圈单打
新年升职又加薪 靓女主播最多Fun

新闻观看次数:7.7k
香港時間
01月29日(三)
东网电视
更多新闻短片
今日系大年初一,恭祝各位读者蛇年行大运,日日咁多Fun!嗱,对于芸芸打工仔嚟讲,新一年有乜好得过升职兼加薪吖?好似TVB前新闻主播、被誉为“翻版刘佩玥”嘅靓女关可为,半年几前辞咗主播份工,近日就被发现悄悄加入政府成为合约公务员,薪酬仲被指为几级跳添!
睇过睇过,哦,原来呢位靓女任职路政署宣传主任,虽然系一年合约制,但月薪有成六皮几嘢,非常和味,真系可以过肥年咯!该职位要求应征者需持有大学学位及两年媒体相关经验,特别指明要“具备使用数码单镜反光相机的知识与经验”,对关小姐嚟讲只系Easy Job啫。
之不过,口痕友就好唔抵得,认为现时库房空虚,财赤高企,政府唔应该开呢啲高薪废Po喎。好似使用单反相机吖,咁都成为入职条件,真系令人不解,仲话揿吓快门之嘛,脑残都识做啦。
喂,咁讲就唔啱啦,识揿掣同影得好系两回事,可能关小姐唔止被人影得靓,影人一样咁靓呢?再讲吖,大台好多新闻主播,都系借着知名度转职搵真银,好似“最美女主播”周嘉仪转战金融界即声价百倍,家阵住半山大屋兼做埋马主,厉害啩?仲有方健仪,一直予人大方专业之感,唔做主播密密出骚接广告,简直猪笼入水。
所以啫,公务员人工六皮几嘢,在一般打工仔眼中系天价笋工,其实贫穷限制想像,比起周、方两位前主播,小巫见大巫咋。TVB份粮虽然唔多,但胜在能够在短时间内赚取曝光率及知名度,年年都有咁多小花争相加入就系咁解,口痕友唔恨得咁多!
感謝您瀏覽東網。請按入詳細閱讀本網站所載之使用條款及細則私隱政策聲明,並須確定您同意接受有關條款及聲明的約束才可繼續瀏覽。