东网电视
更多新闻短片
形象之于艺人，可谓最重要资产，只要一直保持健康形象，真系长搵长有。好似日本天王木村拓哉，虽然唔再年轻，但依然冇被时代淘汰，皆因佢有带领潮流嘅能力，又有大好家庭予人顾家感觉，咁就可以历久不衰啦！
嗱，最近中国手机品牌华为推出“HUAWEI Watch GT 5 Pro”智能手表，竟然重金礼聘木村大神担任代言人，即刻将品牌形象提升晒，唔止唔老土，仲有阵阵潮味渗出。相信华为之所以相中木村，正系觑准佢嘅潮人形象及带货能力。结果广告甫释出，即惹来极大回响，木村亦非常尽责，喺自己IG不停Po相Po片卖广告。
嗱，被国产品牌睇中嘅，唔止木村一个，内地电动车一哥比亚迪，为咗攻入日本市场，去年请来国民女神长泽正美演出电视广告，一句“也许还不错，比亚迪！”即时令品牌喺日本大受注目。根据调查，2024年上半年嘅“指名搜索指数”中，比亚迪电视广告名列第三，即系话，有众多日本消费者，通过广告喺短时间内对比亚迪产生兴趣，继而进行网络搜索。
其实只要放下成见，试吓用国产品牌，就会一试上瘾，皆因性价比实在超高！《日经》中文网特地进行分析，指中国品牌在日本知名度偏低，起用当地一线明星卖广告后，即时令消费者认知度大增，同时对品牌嘅好感度亦提升。
厉害了，我的国！品牌冲出国门，不惜工本大洒金钱卖广告，证明国力提升。以前日本货攻陷全世界，家阵就到中国货冲出国际！之不过，同样情况若换咗喺香港同台湾，艺人可能又会被闹舐共！无知真可怕！
