蕭正楠何傲芝情侶檔睇結局

緋聞男女蕭正楠、何傲芝（Gigi）一同出席劇集《巨輪》大結局飯局，二人罕有一同接受訪問，但蕭正楠表現得極為尷尬兼冒汗。對於情侶檔，蕭正楠表示多謝公司安排，更大讚Gigi好靚。他表示雖然結局不會與田蕊妮在一起，但他表示角色希望帶出親情的重要性，相信觀眾不會介意。

問與Gigi升華至什麼關係？他笑說：「好Friend好Friend。（升華至親人？）哈哈哈。」談到他的緋聞不及同劇的陳展鵬，問是否因心有所屬？他說；「事業心重咪好囉，新聞少啲專心做嘢。」

問在Gigi是否放心？她笑說：「無論邊個都好，男士事業心重係好。」沒有份拍攝該劇的Gigi又漏口風說：「我哋拍咗呢套劇多咗好多『鉅記』食。」之後才補飛說：「係佢攞好多返嚟派畀大家。」她表示到目前為至還未吃過蕭正楠代言的薑餅。

問蕭正楠會否預訂一堆用來過大禮？他即說：「邊有人攞薑餅過大禮，坐月啦！我有諗過用薑餅代替薑醋。」他再跟Gigi說：「你生就送畀你啦！」