鄭融剖析同劉浩龍分手原因

鄭融（Stephanie）在電台訪問中親述當年與前男友劉浩龍（師兄）分手原因，她說：「當年大家同一間公司，好多時會一齊做嘢。（年齡代溝而分手？）唔關年齡事，大家性格唔同，交談時大家諗法唔相似，溝通唔到，覺得無謂勉強，唔係鬧交分手。」

對於劉浩龍成功追到天后容祖兒，Stephanie說：「好戥佢開心，最緊要身邊人開心。（兩個襯唔襯？）好襯，兩個人都好真。」

問到當年唱片公司是否不希望她拍拖？Stephanie說：「冇話唔想，可能覺得我唔識處理啩。（覺得劉浩龍係壞人？）冇探討呀！問番當年啲同事。」

早前一度「脹爆」被指「龍躉」，Stephanie笑說：「可能係壓力大，都冇乜食嘢，算啦！都知會過去。」即將舉行處女演唱會的她問到外籍男友會否接受到其性感造型？Stephanie說：「西方人尺度大啲。」