白韻琹鬧婚變：佢嬲起上嚟就打

現年69歲的白韻琹接受nowTV訪問，將自己與54歲老公謝偉俊的家事外揚！她先謂二十年多的夫妻有名無實，謝偉俊未曾與她行過房，又大爆謝偉俊曾動手打她：「佢嬲起上嚟就打。」白韻琹又指她亦有還手，且比對方大力！白韻琹說：「我同佢（指謝偉俊）唔算夫妻，廿幾年無行房，我都嬲自己呢廿幾年無（性），不過係自己選擇，如果重新選擇會揀第二個，唔會揀佢！（點解唔離婚？）好多原因，拖吓拖吓就算，但唔代表我以後都唔會離，有需要會即刻離！（唔離婚是否因財政問題？）好多夫妻因財失義，我唔想變成咁！（咁你廿幾個物業係咪妳名下？）我無理，交晒畀謝偉俊律師行理，不過，最近我買的兩個物業就用我名。」

白韻琹曾在巴士意外中受傷，又指當時謝偉俊無問候過她，但有接她出院，節目主持梁思浩問白韻琹，唔係有很多名車咩？點解坐巴士，是否謝偉俊不讓她坐？白韻琹說：「唔係，只係我自己想阿Paul（謝偉俊）坐得舒服啲，（之前有指你上唔到謝偉俊辦公室？）係啲饞臣弄權，佢唔知，（咁佢咪好似昏君？）我成日都係咁叫佢，不過，佢喺立法會就係明君。」

主持人之一梁思浩爆白韻琹在錄節目前，曾捉著他的手哭訴廿年感情付諸流水，又話1989年時，白韻琹曾跟司馬燕、寇鴻萍食飯，白韻琹曾拿著謝偉俊的全裸照，收一千蚊就讓朋友看，其中電影界女強人亦有「幫襯」。而原本昨晚的節目題目講曾志偉，亦因白韻琹自爆感情問題，而將主題改了「感情路上能醫不自醫」。