節目巡禮：黃宗澤翹周麗淇 避胡杏兒

由於出席藝人眾多，緋聞男女同已分手情侶難免同場，其中以黃宗澤最「複雜」，唔單止有舊愛胡杏兒，仲有緋聞女友周麗淇，黃宗澤同周麗淇一度翹晒手咁現身，但黃宗澤唔知點解要扁嘴，畫面搞笑，至於胡杏兒，就全程唔見黃宗澤同佢一齊，完全零交流。而近期緋聞多多o既黃宗澤，獲無綫安排同緋聞女友之一的岑麗香齊齊出場，黃宗澤全程硬晒軚，一副執到金都唔識笑o既樣，相反岑麗香就表現自然，相映成趣。