張敬軒古宅變動物園心慌喊驚

歌手張敬軒為無綫節目《勁歌金曲》錄影，自爆身住的古宅令他「心慌慌」，事關日前沖涼的時候，竟發現一條很大的壁虎在他腳上爬過，嚇得他在嚎叫，笑指是否想看他沖涼？軒仔說：「咁重口味？（你哋惺惺相惜！）可能佢以為我係同類。」

軒仔直言在古宅住了一年，已先後接生四籠雀鳥，又不時有青蛙、蝴蝶等，恍如一個動物園，直到最近問過一位演藝前輩，對方指這是因為其古宅有不少「眾生」(指有感情的生命)，軒仔苦笑道：「如果真係見到面就Say個Hi啦！（有無怪事發生？）咁又無，最特別係一個人喺屋企你都唔會覺得寂寞，個前輩話可能其實『佢哋』係有嘢想我幫，睇吓我可唔可以冷靜到，可以o既就問下到底有咩幫到忙。」軒仔表示租借時已預計古宅不同新屋，自己也是很喜歡才決定租借。

另外，提起謝安琪不簽約無綫的「星夢娛樂」，問到可會考慮拉攏她到其唱片公司？軒仔稱這不到他去想，要交由吳雨及霍汶希決定，但覺以Kay一路的成績，不覺得一定要簽一間唱片：「佢同經理人、老闆絕對有能力自組公司，加上做呢行魚唔過塘唔肥，（佢唔係好肥？）咁可能佢食嘢好講究。」