許廷鏗希望將來做全職牙醫

歌手許廷鏗（Alfred）以愛心大使身份參與牙科義診服務，於大學時修讀牙科的他表示：「隔咗好耐冇試過做有關牙科嘅工作，上一次做嘅時候已經係大學嗰陣，希望多啲有需要嘅人得到牙齒嘅護理同知識，我都見到好多有呢啲需要嘅弱勢社群，呢個機會好難得。」見Alfred對牙醫的工作甚感滿足，問到他可有打算放棄歌唱事業，重拾牙醫的身份？他坦言：「我喺呢到都見番啲以前嘅同學，其實我一直以嚟都想，去到有一日係會全職做番牙醫。」由於活動的服務對象是智障人士，Alfred自言會用親和力主動向他們溝通：「我同佢哋都有啲交流，我發現佢哋都好享受，比我預期中好。」