徐小鳳開騷冇著波點裙被踩冧台

殿堂級歌后徐小鳳於明年2月19至24日假紅館舉行《小鳳姐徐小鳳走過順逆流，依然金光燦爛2014演唱會》，小鳳姐以藍色長裙現身記者會，主辦商更特製三層波點蛋糕祝賀。據大會透露六場演唱會內部訂票已爆滿。而席上播出多位巨星包括容祖兒、張學友、鄭少秋和超過十位歌手的祝賀拍短片。

歌酬任老闆加

司儀鄭裕玲（嘟嘟）問小鳳姐由1987年到2014年都用「金光燦爛」是否已成金潻招牌？小鳳姐表示一向都沒有特別加意見，但每次主辦商都會用這個名，其實她都想找一個新名字來表示去到另一個境界，而今次加上「小鳳姐」她都覺得很大膽。小鳳姐亦資詢現場嘉賓可想她再穿波點裙，因她都喜歡波點裙，但只怕觀眾睇厭，而曾在內地演唱時，有一場沒穿波點裙就發生「踩冧台」情況，但有穿波點裙就不會發生。問可要求加歌酬？小鳳姐即風趣地說：「乜都冇講，隨佢哋意思，任佢哋加，但唔可以任佢哋減。」