張家輝與梁朝偉夠老友不怕爭獎

今屆金馬獎影帝候選人張家輝與梁朝偉在時裝活動上碰面，提到二人是競爭對手時，家輝說：「唔講呢啲，獎項唔係大家估得到嘅，大家都好成熟，做朋友唔需要理會獎項嘅問題，我哋私底下係有來往嘅朋友，唔使理呢啲估唔到嘅嘢，唔會擺喺感情上。（偉仔有無刺探軍情？）唔使，大家喺呢行咁耐，有努力，見邊個有獎都會戥佢開心。（你哋未合作過？）未，都想合作。（就嚟金馬獎有無愈嚟愈緊張？）無緊張，戰衣一早安排咗。」他又透露早前從羅馬影展歸來，又笑言港產片能在當地作交流感到很開心。