吳雨霏大鼻成標記 曾想過整容

歌手吳雨霏接受無綫訪問，與主持陸浩明大談感情事。Kary在初出道時被形容為Cookies中最不起眼的成員。6號問可介意被批評外表？她說︰「當年初入行，傳媒朋友會將幾個女仔外貌比較，年紀小，當然好唔開心。相隔多年，想起又覺得冇乜嘢，都係用來娛樂大家o既新聞。」

大鼻旺夫又旺財

對於經常被指整容，Kary可有考慮過？Kary很快答︰「有！當時真係有一刻閃過整容念頭，不過後來漸漸明白，應該要對自己有信心，自信應該來自音樂、舞台o既成就，唔係靠外表。」結果Kary整容這個想法便消失了。問如果真的整容會整那部分？她說︰「鼻，當時經常被人寫，大鼻妹，但係依家在反而變成了標記。」原來這是家族遺傳，父親、弟妹都擁有大鼻子，是有財及旺夫之相！

承認與樂仔分手唔開心

最近與余文樂分手的她表示和樂仔再見亦是朋友︰「大家仲係朋友，好難得。因為我哋由未開始至一齊到分手，大家都互相尊重，互相關心，所以仍然可以做朋友。」問現在情傷是否已經痊癒？她說不明白為何大家認為她受了很大打擊，她說︰「全世界都覺得我被九把刀插喺身上，十分傷心。我可以講當然有唔開心時候，但我係一個向前看o既人，既然大家有呢個決定，就唔會再想以前o既事。」她又說現在無論做任何事，總會把余文樂扯上點關係，例如她剪掉一把長髮，就指她是為了醫情傷，她說︰「依家我好開心，亦無再想以前啲事。」