《左麟右李》開騷 阿倫抵笑呼籲：唔可以尿頻

譚詠麟及李克勤一連十三場的《歐洲坊鐘錶與溥儀眼鏡聯合呈獻左麟右李十週年演唱會》正式喺紅館開鑼，全場爆滿！阿倫媽媽、克勤父母、黃子華、贊助商邱子傑夫婦等到場睇騷支持。演唱會準時喺八點半開場，兩邊設有特別靠近台邊的VIP「屋企人位」，讓一眾死忠粉絲可以更靠近距離接觸偶像，真係好體貼。

演唱會開始時，阿倫與克勤從中間台升起，分別化身閃爆「黑戰士」及「銀戰士」登場。「成軍」十年的二人，在台上大晒輝煌戰績，阿倫說：「唔講唔覺，左麟右李已經開咗四十幾場！」阿倫仲話：「加埋海外過百場！」

之後兩人行近「屋企人位」親親粉絲，阿倫說：「呢啲叫屋企人位，你哋一定排咗好耐隊，一知有得賣飛隔晚5，6點就開始排隊。」克勤聽完加把咀話：「仲可以實習忍尿！」阿倫之後即刻笑住向住「屋企人」話：「呢啲位唔可以尿頻！」