梁朝偉為梅艷芳紀念演唱會獻唱嗌驚：唔好畀壓力我

獲獎無數的梁朝偉再次榮獲《亞洲電影博覽會2013》頒發「傑出演員獎」，今日朝偉一身黑色西裝配光頭look出席頒獎禮，而受訪時，一向喜怒不形於色的朝偉，亦未有表現特別興奮，只謂：「ok啦！」更不斷謙爆強調自己幸運：「三十年嚟都好幸運，遇到好嘅資源、團隊、導演，又成長於香港電影黃金時代，唔係我一個人可以有咁嘅成績，得到同業肯定，傳媒朋友同觀眾，少一樣都唔得。」他指自己未來沒有特別目標，只希望繼續拍電影：「過咗五十歲，係另一個階段，希望往後演員生涯有新嘅路向，拍一啲成熟嘅角色 。」

日前朝偉在金馬獎不敵李康生，失落影帝，而稍後舉行的亞太影展頒獎禮，二人亦雙雙提名最佳男主角，對於與勁敵李康生再度硬撼，朝偉抱平常心態度：「心態唔同咗，大家高興啦！唔係得我有付出，其他演員都需要鼓勵，唔係我先識做戲，邊個需要鼓勵就畀邊個，我攞我又開心，人哋攞我又開心。」

另外，朝偉指聖誕將主力為梅艷芳逝世十周年紀念演唱會綵排，問到屆時會唱什麼歌，他笑言：「等張學友安排！我自己都好驚，唔好畀壓力我，個心最緊要，又唔係歌唱比賽。」