喜愛夜蒲3激戰連場 Jeana雨僑大讚德信Man

講述夜蒲眾生相的電影《喜愛夜蒲3》入面o既男女關係七國咁亂，片中飾演夫妻的林德信（Alex）及雨僑將會各自偷食，Alex搭上何佩瑜（Jeana），雨僑則與韓仔李世国肉搏報復，大膽情慾戲極多！

片中Alex連環激戰Jeana及雨僑，他笑言難過拍動作戲：「又要遮住，又要拍得靚有感覺。（同邊個床戰最令你回味？）嘩！好難答！好似問你鍾意爹哋定媽咪多啲咁。」他笑言與雨僑為「營造」貌合神離感覺，拍床戲前飲了咖啡，雨僑則吃了蒜蓉羊肉，二人口氣相信有返咁上下。雨僑笑說：「我哋完全冇理對方感受，而段床戲我開頭要推開佢，但整整吓又擒咗上去，之後又唔接受佢求婚，好似鬼上身咁，其實我唔明，得導演先明！哈哈！」

Alex與Jeana則於早上「空肚拍床戲」，但導演要求兩人飲香檳調情，令Alex只記得Jeana的酒味：「我飲咗兩、三杯，搞到醉醉地，對白都爭啲唔記得。」至於對Alex的感覺，兩女笑言是「好拮」，Jeana說：「佢好拮……啲鬚，但感覺幾Man o既。」