杜汶澤醉爆斷片被眾人抬離場

向來玩得的杜汶澤，估唔到都有飲醉嘅一日！事緣昨晚仍清醒的阿澤，在Facebook上載一張與好友的食飯相，相中更將飯局主角茅台酒放在前面，而後面的陳淑莊則面有難色，難怪阿澤寫道：「四眼陳睇嚟好驚！」豈料事隔兩個鐘，阿澤就已經宣布投降：「I'm so fxxking drunk」並上載與好友的攬頭攬頸相，看來當時的阿澤已經飲到心情異常興奮！

直至今日中午，阿澤才驚覺自己已身在家中，但明顯斷片的他對於整個回家過程卻毫無頭緒，更Tag助手並問道：「點解我會瞓咗響廳咖（o架）！邊個送我番泥咖！做乜咁咖（o架）？」有朋友留言笑指阿澤上映港版《醉爆伴郎團》（Hangover）。

有份出席的前無綫主播就指：「實情係好笑過Hangover嘅……」可憐畀面出席的柳俊江，卻被阿澤徹底遺忘：「柳爺你有嚟咩？」柳俊江回覆：「杜汶澤，你重覆講咗十次：柳俊江係咪好靚仔先？柳俊江係咪……」而斷晒片的阿澤，其後在Facebook上載一張醉到要三個男友人包括柳俊江抬他的相，相中阿澤醉到無知覺，認真誇張！