江美儀矯型後升Cup 男友得益

江美儀在劇集《名媛望族》中的「黑絲誘惑」受到廣告商垂青，最近以近七位字酬勞，為矯型內衣褲公司擔任代言人。試驗了兩個月矯型胸圍的美儀在相片中成功升Cup，受訪時笑說最大得益當然是男友吳君祥：「男友係我經理人又係用家，佢幫我接呢個廣告！」對於個人身材，美儀向來都很自豪，拍廣告前未有瘦身：「我向來都瘦，只係試用咗矯型胸圍兩個月，升咗一個Cup，依家好夠用，呢輯相好健康，可以留為紀念。」

由於首次露肉拍廣告，美儀人前上陣都毫不扭擰，毋需清場並稱不覺尷尬：「團隊好專業，影咗好多套，個客鍾意我『黑絲』個Feel！」而其男友吳君祥坦言這是健康的性感，更以近年日本流行「貧乳一族」來讚美女友：「好多Model都係平胸，美儀身材好平均，仲有個『霹靂籮』！（女友賣肉不介意？）我哋行大方o既！」