城城防再跌傷巡唱取消跳彈床環節

20140108
東網電視
更多新聞短片
城城透露腳傷已冇大礙,粉絲可放心。

郭富城到觀塘apm出席活動,和新鴻基地產代理有限公司租務總經理馮秀炎齊齊擊鼓祈福,城城又獲對方送上足金駿馬及利是封、揮春,他更即場為現場觀眾拋寶牒祈福。

早前在廣州演唱會上扭傷腳的城城表需要休息個多禮拜,但康復進展良好:「冇乜大礙,冇傷到筋腱,所以唔影響工作。」城城又透露往後巡迴演唱會會取消跳彈床環節:「已經攞到自己想要嘅效果,已經做過,呢part真係危險性好高,為咗顧全大局,呢一部分會用另一種形式表現。」

提到馬年即將到來,已擁有兩隻馬的城城表示有意和朋友再合資養多一隻馬,問到他會否乘機養老婆?他說:「呢啲唔諗啦,依家集中喺工作上,2013年推咗好幾部電影,因為等好劇本,今年終於等到,希望專心工作,其他嘢唔諗。」他又祝香港市民身體健康,心想事成,事事如意。