伍衛國自揭戀情：劉曉慶係厲害的女人

藝人伍衛國接受有線訪問節目，更罕有剖白與演員劉曉慶和葉玉卿的一段情。他無懼重提舊事，大讚兩位前度：「兩個都好孝順，我最鍾意有孝心o既人，一定係好人。我都可能忽略咗父母，係葉玉卿教識我點對父母表達愛。佢哋好有毅力，我肯定冇佢哋咁有毅力！」

談及早前再婚的劉曉慶，伍衛國說：「點會唔恭喜？！」而他又大爆自己與劉曉慶分手後十年都冇拍拖：「現在冇刻意諗婚姻，如果我要結婚，應該會同劉曉慶結咗婚，當我唔能夠同佢結婚，我對呢樣嘢（結婚）又有另一種睇法，覺得人生唔一定要有婚姻先幸福，唔係冇咗呢個，就搵另一個填補，唔一定要結婚生子先叫完成人生，我唔會為結婚而結婚。有個志趣相投伴侶我都樂意，好開心，但唔會強求。」

而當年二人分手時，伍衛國決絕地離開北京返港，連行李亦是之後才寄回來，他說：「我覺得（分手）已成事實，係不可改變，所以唔使拖泥帶水，唔需要千方百計、強迫事情同自己意思去做，只要用咗自己真心，做咗要做o既事，就順其自然。」

另外，他大爆與劉曉慶相處的趣事：「2003年時，佢聽我勸，唔好喺香港買樓，之後樓市跌，佢好多謝我；佢當然係一個好厲害o既人，但感覺佢都聽我講，雖然佢唔會表態。」他稱曾勸劉曉慶要歸於平淡，但她如今依然活躍於幕前，他形容對方「唔係平常人」：「我梗係覺得佢應該要聽我講，但係佢個腦唔停得，要不斷向前，佢唔係一個平常人，如果唔係都唔會吸引到我啦！」