陳嘉桓報六合彩 貼士「9」字旺財

陳嘉桓（Rose）獲邀在大年初五為新春金多寶攪珠擔任特別嘉賓，即場為逾4,000萬的頭獎揭盅！當晚負責宣布結果的Rose大為緊張，事前翻看六合彩片段偷師，她說：「今次好榮幸，六合彩一向好少搵嘉賓，聽講對上已經係冬叔（夏春秋），預算我會負責用廣東話宣布結果，蔡國威就負責英文，依家喺屋企練緊，直播唔可以出錯。」

最近為亞視拍攝多輯以玄學角度剖析六合彩的Rose分享心得，指有「9」字的號碼特別有運：「自己買六合彩最多中過兩個字，會叫屋企人買，到時可以望住我對六合彩。」本已收爐的Rose為六合彩攪珠率先開工大吉，問到馬年可希望有姻緣降臨？她說：「依家諗做啲先，希望馬年人緣旺，工作多籮籮！」