林德信陪過生日 松岡李那:好幸福

20140205
東網電視
更多新聞短片
松岡李那年三十晚慶祝28歲生日,林德信亦有到場,仲好大方咁影大合照。

Girls Kingdom成員日模松岡李那年三十晚慶祝28歲生日,在中環開生日P,請來約30名好友出席,當中更包括緋聞傳足兩年的歌手林德信。林德信唔單止大方同壽星女影大合照,仲儼如男主人般企正中間位。 由於生日撞正新春期間,松岡要求出席來賓穿著中國服,她與好友日模山內藍同樣穿上中國高衩旗袍,分別是桃紅色和紫色,配以兩人的春麗髻,性感又可愛。松岡連環切了兩個心型生日蛋糕,眾人玩至年初一凌晨才盡興而回。 松岡接受訪問時坦言玩得好開心:「生日好開心,好幸福。(林德信都有嚟?)好朋友梗喺度,大家係公開嘅好朋友,唔出奇,佢上年都有嚟我生日會,今年最開心係好多好姊妹都有出席。(生日願望?)希望今年有多啲工作,有多啲新嘗試。」松岡現時放假中,據知她農曆新年前向公司請假兩個月,至3月才復工,期間會到英國旅行,之後再返日本探屋企人。