楊崢聞「忘情互咀」甜笑:多謝大家祝福

20140206
東網電視
更多新聞短片
新任「澤嫂」楊崢今日仍舊風騷,蜜運中嘅女人果然精神都飽滿啲。

被拍得跟黃宗澤(Bosco)「咀嘴」的楊崢,在戀情曝光後返回電台主持節目,吸引大批傳媒到場採訪。心情大靚的楊崢中午離開電台時風騷甜笑並不停揮手,又驚訝地表示:「咁多人喺度嘅?」然後受訪時稱:「其實今日節目都講晒。」問到被拍得跟Bosco甜蜜「咀嘴」,她說:「Bosco答咗就OK,我明白大家好關心我哋,我哋都係普通人,希望過普通人生活。」

問到何時再和Bosco手拖手出街?她甜笑說:「暫時呢一、兩日唔會。」隨即又稱:「其實都唔明點解大家咁關心我哋,不過好多謝大家祝福。」問會否日後保持低調?她說:「不嬲都做自己,應該唔會刻意高調,其實我哋無嘢收埋,如果係都前後腳出現。」

問到她現在是否屬正式公開戀情?她說:「了解中,互相了解緊,比啲空間我哋。」至於可會邀請Bosco上節目受訪?她說:「暫時未有打算。」情人節即將來臨,問到可有甚麼計劃度過兩人首個節日?她又甜笑說:「要開工,佢都可能要啦。」

對於有網友稱較喜歡Bosco的舊愛胡杏兒,及稱不看好她倆的姊弟戀時,楊崢表示:「我好尊重網友意見,同埋最緊要係溝唔溝通到,溝通到就OK。」

同時透露新春期間未有到Bosco家拜年,問到可會抽時間拜會Bosco家長?她說:「唔知呢?順其自然啦,到時再通知大家,再比大家影啦又。」說畢就再度風騷揮手,並多次表示:「Thank you so much. 」向記者道別,然後就登上Bosco的座駕開車離開。