Ana R. 同老公晒恩愛 愛犬呷醋

混血名模Ana R.下午帶埋愛犬Gucci出席Venture Photography 「Pet」「Pet」馬戲團攝影比賽揭幕禮，Ana介紹手抱的Gucci今年13歲，她笑說：「來香港之後，Gucci就係我個best friend，我成日會同佢分享故事，佢又會喺我身邊保護我，比其他動物有靈性。有時我不開心，佢又會行過來。」

除咗擁有Gucci外，Ana更透露還養有一隻五歲的Happy Dog，不過她笑言只有老公才控制到隻狗。對於第一年派利是的Ana被問到有無派利是畀兩隻狗狗，Ana直言：「畀好嘢佢哋食，之前結婚時，Gucci就住咗一星期醫院，搞到我同老公去度蜜月，都覺得好難過。（Gucci係咪因為呷醋你結婚？）真係會呷醋，之前老公坐我身邊佢都會不開心。」

問到會否擔心有狗狗而不能生BB？她即表示好多養狗的人都有生BB，所以不擔心，至於幾時生？Ana說：「不會是今年同下年，專注工作先。」