陳展鵬為「一腳踏兩船」解畫

藝人陳展鵬出席劇集《單戀雙城》宣傳時，被問到有報道指他一腳踏兩船，先戀上鍾嘉欣後再搭上前亞姐樓茜妮，他逐一否認說：「假嘅，不過都開心，有個封面但傷害唔到朋友嘅感情。」他笑言有觀眾及朋友詢問他跟嘉欣的事情：「佢哋話我同嘉欣好耐，不過我只係同佢拍過一套《巨輪》，依家先拍另一套《大藥坊》，不過都好多謝觀眾認同，但希望大家認清楚。」

談到影到他和嘉欣拖手，他承認是拍外景時拖嘉欣落山，但就否認獨處一事：「仲有好多助手在場。（話啲助手係睇水？）唔係，冇啲咁嘅事，因為當時要拍個山頂景，所以全部人要行落山腳。」談到他與嘉欣在微博傳情，更在去年聖誕節時點名有嘉欣陪，對此他說：「玩啫，我點會寫呢啲，我嗰次其實係有少少寸佢。」而對於跟樓茜妮的緋聞，他說：「呢個仲無聊，我哋有成7、8年冇見。」