王菀之勤練鋼管舞修身

歌手王菀之（Ivana）到詹瑞文、茜利妹及李麗蕊主持的電台節目《喜劇之王》受訪，與詹Sir交換當喜劇演員心得，談到Ivana近日在電影《金雞sss》中飾演北姑「吳璐」一角大受讚賞，她說：「其實棚哨牙同浮誇服飾幫咗好多，令我好快入到角色，今次應該係我入行以嚟着得最少最貼嘅一次，在公在私都係，記得第一次同君如、導演見面，佢哋問我『有冇底線』，我呆咗唔識答，依家我知道，原來我都可以好冇底線！」

茜利妹又踢爆Ivana近日在練習鋼管舞，着得更少布，Ivana對被踢爆感驚訝，茜利妹說：「上次完騷宵夜，你用電話show畀我睇，你仲做倒立動作。」茜利妹更透露Ivana身材不俗：「幾堅挺。」Ivana表示跳鋼管舞確能修身。

Ivana更與詹Sir齊齊扮聲玩「整蠱電話」環節，即興致電家具店，Ivana以北姑「吳璐」口音向店員查詢訂梳化折扣優惠，雞同鴨講，笑料百出，聽眾紛紛留言話笑到流眼水。

Ivana又提及她曾飾演的電視與電影角色：「都咁啱姓吳，我同「吳」都幾有緣。」茜利妹將Ivana男友「Figure王」蘇卓航擺上枱：「你同姓蘇仲有緣啦！」被揶揄的Ivana即時「怒睥」茜利妹。