宣萱嫌泡菜男唔啱口味

藝人宣萱、曹永廉、黃智賢、林夏薇和黃智雯等出席《DOGs》音樂劇。早前被拍得與5旬男子在餐廳內談心7小時的宣萱，被問雙料情人節如何度過？她說：「同成班人去韓國玩咗5日，情人節嗰日先落機，然後成班人去食晚飯慶祝一位朋友生日。（旅行同行包括5旬男子？）唔包括，係成班女仔一行7人，嗰個男人好多年前已經影過，屈過佢一次，我哋識咗好多年，人哋結埋婚生埋仔，不過冇所謂啦，影到男嘅就話係對象，女嘅就話我係同性戀。（你哋傾咗7個鐘？）冇！邊有7個鐘，我都費時解釋！」

問韓國旅行時有否遇到「韓國型男」？宣萱想了想說：「唔係好啱我口味喎，溝通唔到。（好Dry？）唔Dry！頭先阿Ben（黃智賢）見到我都話我好精神，唔一定有男友先OK啫。」她又表示暫未有合適的追求者：「再努力啦，要睇得好清楚先可以行下一步，因為睇到身邊有好多唔開心嘅例子，自己又唔會畀年齡同時間限制。」

談到工作，她表示下月將接拍廣告：「要靚同瘦嘅，所以依家要做運動積極減肥，原本開工前我想去多次旅行探朋友，不過一諗到喺新加坡會狂食嘢，都要考慮去唔去。」