鄭伊健自爆過「單身」情人節

鄭伊健在北京出席電影《盜馬記》記者會，談到太太蒙嘉慧（YoYo）在微博上載一張拐杖相，並寫道：「感謝這二十天的支持，我要從今天起，不能再依賴你。」更表示要戒口不能吃糯米餅及雞蛋。

問太太是否早前到日本滑雪時受傷，伊健說：「係呀，佢傷咗韌帶要抖抖，不過佢（蒙嘉慧）3月都要拍王維基套劇。（要戒口？）係，因為傷咗筋骨好麻煩，依家要Keep住做運動但又唔可以做太多。（照顧佢？）我要開工呀！不過都有家人Take Care佢，但係佢好曳，成日周圍走坐唔定。（情人節坐住過？）我通宵拍戲捱凍過。」