車婉婉認與黎瑞恩無偈傾

據新一期《好報》獨家披露，近日驚爆和有婦之夫、有「免稅店大王」之稱的鄭應南結緣的黎瑞恩，在年前的確認識了一名好友，志趣相投及常常見面外，對方並提供名下的天賦海灣豪宅單位，讓黎瑞恩和子女們入住。據知黎瑞恩身邊的好姐妹，也知道黎瑞恩和這位好友的關係，同時引發黎瑞恩和車婉婉不和。據知車婉婉有次在社交活動上睇到「有啲嘢」，即向黎瑞恩好言相勸，提醒要注意形象，但卻引起黎瑞恩反感及不滿，車婉婉更被大駡一場，自此好姐妹之情不再！

《好報》致電車婉婉時，她明顯不願多談，但卻句句有骨！問到對於黎瑞恩傳出婚變的看法，車婉婉說跟黎瑞恩少聯絡及來往，並且不方便回應，並指最後一次見到對方，是在去年十月的高爾夫球活動上：「我有打招呼。（黎瑞恩有冇睬你？）唔在乎，嗰次係一隊隊人分開走，我冇同佢傾偈。（你哋係咪有誤會？）冇，我就冇誤會囉！（得罪佢？）我唔知喎！」