梁家樹榮休：近200名無綫藝人高層現身力撐

無綫戲劇製作總監梁家樹（Tommy）於將軍澳舉行榮休酒會，現場除近二百名藝人如胡杏兒、黃宗澤等，及一眾無綫高層如梁乃鵬、李寶安等現身撐場外，Tommy家人亦有現身支持，場面既熱鬧又溫馨。

問到決意向外闖的Tommy，有關《衝上雲霄》電影版拍攝詳情，他大爆男主角人選已定，但女主角則希望由大陸演員出演：「男主角定咗係吳鎮宇、張智霖同古天樂。劇本仲寫緊，女主角就想搵大陸演員，希望國際化啲。」問到有傳《衝》電影版「鬧雙胞」，Tommy指今次蕭定一「冇份」：「我哋有版權．所以我哋會行先，今次蕭定一應該冇份。」

談到他將留任無綫擔任製作部高級顧問，他即笑稱做顧問「唔使返工」：「會多啲時間做自己想做嘅製作。」之後他還感觸良多謂：「我服務咗TVB四十幾年，雖然中途出咗去，但喺TVB嘅時間都有成三十七年。我對公司無言感激，我有嘅野都係公司畀我，例如太太同家庭。我今年六十五歲，想趁仲有活力同精力去試其他環境。TVB都保護咗我幾十年，今次離開唔係為咗錢。」