許靖韻演得出色　如花令電影生色

擅長扮女人的喜劇演員如花（李健仁），早前與英皇女新人許靖韻（Angela）合作拍攝微電影《假真界世》，如花笑言因為女主角Angela穿上手工精細的純白裙子，又彈白色鋼琴，純情少女形象已有Angela負責，他就穿上色彩斑斕、設計富童話色彩的裙子演出。

導演聶凌盛讚Angela演得出色，如花則令整齣微電影生色不少，聶凌說：「好開心請到仁哥（如花）嚟幫手，佢仲教識咗我哋好多嘢，可以話係成條片嘅靈魂。相比起之前我執導網劇《女生公寓》、《假真界世》難度同壓力都大好多，因為今次我好貪心，想搞笑之餘，又帶到個message畀觀眾，想服裝方面做得講究，又要場景好華麗，但製作費只有8萬港幣，真係好考功夫，難度極高，好有挑戰性，好在男女主角羅啟聰、Angela表現好好，仁哥演繹精彩抵死，我依家愛上拍喜劇，好期待3月套微電影出街後觀眾嘅反應，亦都想快啲搵到投資者拍套低成本青春動作喜劇電影，如果可以原班人馬再合作就非常好！」