Dry爆朱璇望30歲前搵到好男人

藝人朱璇出席無綫舉辦的「三月星辰」活動，本月18日27歲生日的她透露屆時未必會在香港過：「我要去上海拍大陸劇，套劇有謝天華，可能要逗留兩至三個月。」Dry爆的她透露已有五年未曾拍拖：「嚟香港五年就冇拍五年。」她笑言今次可以搵錢平衡心理，願望是可賺到首期買樓置業。

問拍畢該劇後可夠錢供首期？她說：「呢套未知幾多錢，不過畀到一半首期就滿足喇，我仲有兩年先有香港身份證，未有身份證買樓會貴啲！」

大陸有很多富二代，問會否趁北上拍劇順道結識富二代？她說：「算啦！我喺香港都識唔到，冇本事識富二代，依家角色都做人阿媽，做唔到少女，我都係努力做富一代。」她又表示想在30歲前找到男朋友，並有意上《搵個好男人》節目結識異性：「我等第二集啦！之前佢哋都有搵我，不過有工作上唔到。」