梁靖琪Ron狹路相逢　吳卓羲唔敢落車合照

梁靖琪（Toby）離婚後首度出席公開活動，並與傳緋聞的吳卓羲（Ron）同場。問Toby知否Ron也會到場，她說：「係咩？唔知，好似有講過，唔記得咗。（同場尷唔尷尬？）唔會，好朋友嚟，點會尷尬。（傳佢導致你離婚？）講過唔關佢事，真係好朋友。（你哋有無聯絡？）得閒有聯絡，公司見面或者係有Party，好似我爹哋之前個Party。」

她表示心情已平復，現正努力工作和健身，但仍未Ready迎接新戀情，現時亦沒有追求者，會先專注工作。問到離婚會否令她有陰影，她坦言：「無就假嘅，需要慢慢調節自己心情，依家做運動同拍劇，心情輕鬆。（會唔會考慮Ron？）朋友永遠都係朋友。」Toby做完訪問後，剛巧Ron的座駕抵達現場，Toby應記者要求等Ron下車合照，可是Ron卻沒有下車，Toby等候期間笑謂：「佢再唔落嚟，我走㗎喇。」之後便返入場內。