台灣認愛F奶妹　阿沁@F.I.R.望6年內結婚

台灣組合F.I.R.成員阿沁（黃漢青）新戀情曝光，日前被影到當街咀F奶網路正妹花花（李汶靜），今日出席「ACG Beast動漫音樂演奏會」所舉辦嘅發布會上，阿沁亦都大方認愛，仲話依家狀態好幸福，笑話：「自己年紀不小了，有個穩定的感情也很不錯」，佢亦都已經收到團員Faye（詹雯婷）與Ian（陳建寧）嘅祝福，大家都好替佢開心。

今日係阿沁嘅34歲生日，但就要忙籌備動漫演奏會，而唱片公司為咗補償佢，請咗Cosplayer現場獻上蛋糕祝賀，但就無時間同女友共度二人世界，佢就貼心咁話：「另一半也很辛苦，能包容我的工作，讓我還滿感謝的。」仲透露希望可以喺40歲之前完婚，話依家係事業嘅黃金期，想要再拼博多幾年，而婚後應該會以家庭為重，但唔會放棄音樂。