巫啟賢被禁入台賣樓避金融風暴

歌手巫啟賢在電台訪問中重提98年被台灣禁止入境五年，加上97金融風暴，令他禍不單行，他說：「當年唱片公司安排我到台南做演出，被當地警局檢控我，原因係當時嘅唱片公司冇申請相關證件，因此我屬於非法入境工作，禁止我入境台灣五年。當時我真係好嬲，台灣音樂事業要被腰斬！」直到2000年與現任台灣籍太太結婚，並生了小孩，之後才能夠提早兩年半返回台灣。

當年金融風暴，巫啟賢笑言沒有在香港買樓，他說：「買好多樓嗰個係阿B（鍾鎮濤），唔係我，哈哈！我哋香港雖然只買咗一層樓，但都已經中伏！真係好吃力，錢係左手嚟右手去，除咗新加坡同香港各有一層樓，月供都要十幾萬港元，仲要養家同雇用公司職員，真係好大負擔，最後惟有斬纜（賣樓），提早返大陸商演同拍劇，終於捱過難關。」