北京抱盡男女老幼　成龍嚇親宋祖英冇誤會

成龍正身在北京出席全國政協十二屆二次會議，會議結束後，他走到有「中國民歌天后」的宋祖英身後打招呼，當時他探頭輕貼身穿軍服的宋祖英面頰，過程被拍下並上載網絡，有網民指宋祖英被親吻後顯得害羞，覺得成龍做法唐突。

成龍就此事回覆《東網》：「我對好熟嘅朋友就係咁！我同佢打招呼，從後攬一攬佢，同佢面貼面，佢唔知係我至嚇一嚇啫！我同佢好熟，之前邀請佢下個月6號去我個演唱會，佢有事嚟唔到，寫咗段文字畀我話『抱歉』，我同佢講『唔緊要，唔使介懷』！」

成龍出名熱情，類似的打招呼方式早已成為其招牌標記，吳君如、余安安、王力宏、崔始源，以至日本童星庵原涼香，不論男女老幼，均曾被成龍以擁抱或吻面頰方式打招呼。

成龍一向真情流露，其言行已不止一次引起不熟悉他的人誤解，例如他曾強烈要求朋友注重環保，將垃圾分類，更身體力行多次在公眾場所執垃圾，他沖涼抹肥皂時都會關水喉，亦多次直斥將用過的紙巾亂棄的朋友，甚至要求如廁時待所有人小解完才一次過沖廁，以減省污水排放……無論對朋友的熱情，或是對環保的堅持，成龍出發點雖好，但未必人人受落，難免經常被造文章。

此外，韓星金喜善應成龍邀請，下月6日將到北京出席《2014年和平、愛情和友情》慈善演唱會，活動結束後會乘坐成龍私人飛機返韓國繼續拍劇。