反擊教而不善唔慳家　陳慧琳：誇張

「星級媽媽」陳慧琳（Kelly)以一身鮮黃色露腰裙打扮出席電影《盜馬記》首映，當被問到梁家輝踢爆她在布拉格拍外景時「唔慳家」，Kelly否認笑說：「誇張啫，痴線!」她表示所買的手信全都是很便宜，她說：「都係啲指甲銼呀、cream咁，好平！又唔係名牌，亦都冇手袋、冇靚衫，使咗好少啫。」

對於梁家輝和鄭伊健豪言不用買東西冧老婆，Kelly即碌大眼說：「死梗喇佢哋！唔好話我唔畀tips佢，買個指甲銼都好呀！（佢哋喺現場對老婆好唔好？）梗係好啦，好好添！不過冇買指甲銼就差啲！」而Kelly也加入玩踢爆，指有人常常同老婆食早餐，她說：「真係好sweet，好好味。（佢哋「振夫鋼」言論得把口？）咁就唔知喇。」

問到早前在布拉格取景個多月時，為何不叫老公前往陪同？她說：「老公要留港睇仔，成個月都幾係嘢㗎，佢都頂唔順，我之前去咗內地十日宣傳，佢都叫我快啲返，我就同佢講，你終於知我平時辛苦喇咩！（生多個畀佢湊？）唔好玩自己啦，兩個已經頂唔順。」