李健宏茜利妹不打不相識

太陽娛樂文化高層黃柏高（Paco）新簽藝人Kevin仔（李健宏，粗口樂隊LMF鼓手）接受茜利妹及李麗蕊主持的電台節目訪問，Kevin仔謂：「Sara（李麗蕊）係我偶像，我細個喺澳洲都有買佢唱片，估唔到多年後有機會做佢節目嘉賓！」又話：「Sara keep得超好，同我細個睇佢一樣冇變！」李麗蕊作狀喊打：「我其實出道早（15歲），分分鐘細過你呀！」

另下，Kevin仔又大爆與茜利妹多年前相識經過：「可以話係『不打不相識』，當時年紀小，脾氣衝動，有一次喺一個Band Show誤打茜利妹個朋友，然後佢（茜利妹）幫拖出頭，我哋就開始網絡罵戰，愈搞愈大！後來我知錯，短訊同佢道歉。」

茜利妹：「我當時勁『淆底』，佢又成身紋身又係Band友又打人，之前又爆粗鬧得我咁行，忽然間道歉！最驚係，佢點解會有我電話？！勁驚！不過依家超Friend。」Kevin仔回應：「我應該係問Kary（吳雨霏）拎你電話，佢當時都有勸我同大家道歉，收歛吓脾氣。」Kevin仔後來把這種火爆、愛得罪人的性格，用於其紅爆網絡短片《玩爆你個腎》系列，更引來Paco（黃柏高）垂青，簽為旗下藝人。