大陸買婚戒　吳奇隆劉詩詩好事近？

台灣男星吳奇隆與大陸女星劉詩詩因合作拍攝大陸劇《步步驚心》而撻着，拍拖以來恩愛到極！尋日，有網友喺微博拍得二人疑似喺珠寶店買戒指，仲留言話：「這是要結婚的節奏？今天逛商場居然看到吳奇隆在陪劉詩詩選購鑽戒！」

此Post一出，即傳出二人好事近，仲有網友大膽猜測佢哋係咪奉子成婚？期後大陸傳媒致電雙方經理人查證。首先吳奇隆經理人予以否認，而劉詩詩經理人就話係嗰張相其實係《步步驚情》嘅花絮相嚟咋！