法國旅遊　關禮傑夫婦歎米芝蓮餐

藝人關禮傑之前喺劇集《叛逃》中演出跳天台戲份，畀網民喪話不合情理！不過事件就無損佢嘅心情，近日佢去法國工作之餘，仲順道幫埋太太去慶祝生日！尋日關禮傑嘅太太喺微博上載咗二人喺巴黎鐵塔下嘅合照，以及歎法國大餐相，留言話：「米芝連（蓮）兩粒星的法國餐，高水準，滿足！」見到兩公婆個笑容咁甜，就知道佢哋依家幾恩愛啦！